Wednesday, October 26, 2011

Homesick

За миний гэрээ санах өвчин бүр даамжирч хүндрэх шат руугаа орж байх шиг байна. Би махаа монгол хоолоо маш их санаж байна. Гэр бүлээ санахын хувьд бүр ярилт байхгүй. Тэд маань бушуухан ирвэл нэг гайгүй болох болов уу гэж бодож байна. Утаатай ч гэсэн Улаанбаатар минь, хөгжил буурай энээ тэрээ гэдэг ч гэсэн Монгол шиг минь сайхан газар ердөө ч байхгүй юм шиг санагдаад бушуухан сургуулиа төгсчихөөд гэр лүүгээ буцах тухай бодогдоод байх юм.
Эндэхийн хоол нь сайхан л гээд байсан чинь одоо бүр орохоо ч болилоо. Миний бие хямраад байгаатай холбоотой ч байж магад. Би ёстой очингуутаа УБ-ынхаа бүх ресторанаар хэснээ. Хоол нь ямар сайхан гээч. Цаанаа л нэг идүүштэй, аргагүй шдээ дандаа экологийн цэвэр бүтээгдэхүүнээр хийж байгаа юм чинь. Солонгост явж байхдаа нэг стэйк хауст орсон юм, яах аргагүй бондойсон том стэйк зүсээд идээд байгаа мөртлөө нэг л амтгүй, хөөмөл ч юм шиг. Тэгэхэд манайд захын нэг ресторанд ороод стэйк аваад идэхэд ямар сайхан амттай байдаг билээ. Мах нь цаанаасаа тийм сайхан амттай юм чинь аргагүй шд. Ёо сайхан хавирга чанаж идэх юмсан, хорхог идэх юмсан, борцтой гурилтай шөл идэх юмсан. 
Хацар часхийлгэсэн УБ-ынхаа өвлийн гудамжаар хурдан хурдан алхах юмсан. Сайхан дулаахан гэртээ орж ирээд хөргөгчнөөсөө махаа гаргаж байгаад сайхан хавирга чанасан гурилтай шөлөө хийж идэх юмсан. Хоёр хүүхэд ханьтайгаа буйдан дээрээ 4-үүлээ хэвтээд монгол телевизээ үзэх юмсан. Ёолк болохоор ажлынхантайгаа шижигнэсэн сайхан ёолкоо тэмдэглэх юмсан. Гоё палааж өмсөөд л. Дараа нь 31нд гэрийнхэнтэйгээ бууз жигнэж идээд бялуугаа хувааж оргилуун дарсаа буудуулаад л. Тэгээд айл хэсэх гээд гараад шидчихнэ дээ. Шөнийн 12 өнгөрч байхад шүү дээ. Гоё доо гоё. 
Цагаан сар байна. Бэлтгэл ажил гэж дэлгүүрээр хөлийн улаа эргэтэл гүйгээд л эмээгийнхээ бэлгийг бэлдэж өгөөд л, манай хүн ууц чанах том ажилтай. Битүүнээр гэдсээ хагартал чанасан мах бууз идэж сүүтэй цайгаа уугаад л. Шинийн нэгэнд гангалж аваад л айл хэсэхийг үзүүлж өгнө дөө. За олон ч айл ордоггүй юм дөө, 4 айлаар л орно. Ирсэн хойноо бүгд бэлгээ үзээд л.
За дараа нь Март байна, цэргийн баяр байна. Охины бас миний төрсөн өдөр, тэгээд манай хүний төрсөн өдөр, хүүгийн төрсөн өдөр. Өдөр өдрөөр дулаарсаар тэгээд л зун болчихно. Зун сайхан даа, лагерь нүүнэ гэж томоос том ажил. Голын эрэг дээр юм дэвсээд дээшээ хараад хэвтээд өгнө шүү дээ. Хорхог хийж иднэ, хөдөө явна, зун ч ёстой завгүй шүү. 
Миний эх орон ч сайхан шүү. Ямар ч сайн сайхан газар байсан төрөлх эх нутгийг минь гүйцэхгүй юм байна. Яахав дээ, утаатай л байг бид л утааг нь арилгах гэж хөдөлмөрлөхгүй юм бол хэн арилгах юм. Яахав дээ шороотой л байгаа биз, би очоод зүлэг тарьчихна /тоглосон юмаа, гэхдээ хотоо ногоон болгоход хувь нэмрээ чадах ядахаараа оруулна/, яахав дээ хогтой л байгаа биз, бид нар л үр хүүхдээ цэцэрлэг сургуулиас нь хогоо ил хаяхгүй байх ногоон гэрлээр зам тавьж өгөхийг зааж өгөхгүй юм бол хэн ч сурахгүй шд. Зүгээр ээ зүгээр, миний эх орон хөгжиж байгаа. Дахиад 20 жилийн дараа гэхэд танихын аргагүй болно. Бид чинь зах зээлийн нийгэм рүү ороод дөнгөж 20 жил л болж байна.   

13 comments:

Гуталчин said...

Shn niitlel bn bi ch gsn shn aduuni mah chanaj idhiimsan gel onodor meter bahan hool und harav kkk hool n ndd bol yg blod bnaaa ghde hodod Jahan honduurleed hooloi booj bgam shg ovdodin bi ydrahar mini holoi tgj narisaad bdin neh balai. Setgelin tenhetei hatu changa bgarai loon shn zuils surchihad gereedee Harij heregjuulne shu de mini huvid gere sanah n ggui ee kkk bi gdg chn ooroo l ger blhr kkk double bgad ur zulzagatai bsn Bol Nogohon shge ingel bichih bhdaa kkkk

Anonymous said...

Harin ehendee tegeed baidag yumaa. Amraltaaraa neg ger luugee yavaad ireheer arai gaigui boldog yum bilee. Geriinhen chini iruul setgel sanaa saihan bolnoo.

Bi uul ni ovoo heden jil end bgaa bolovch mongoloo urgelj sanaj baidagiin. :) Ugui er ni eh ornoo yaj martah bilee dee tee.

NB, Canada

Гуталчин said...

nadaa dotroo budaa tsai jaahan bortstoi belen tsaini hiits bgaa avahuu? chanaad suu hiiheer yag bortstoi budaatai tsai bolchihdogiin gertee hsen um shig l... bas jaahaan borts bn talig n avahuu? bi neg hesegjin bortstoi lavshaa hj idseer bgaad odoo neg hoolnih uldchihsen hehe ghdee tuuj hseer bgaad ooh goltsuu hehe gantsaaraa um chn blh bhaa talig n avahuu? avna gevel bi hayagaar chn yavuulchihya, nerelhelgui heleerei. minii yahoo ID gutalchin@yahoo.com shuu. udku geriinhen ni ireh um chn goyo tsoglog bgaarai. Ganbatte ne ^__^

gigi said...

buh uguulber ni mahtai holbootoi boljee

Dosu said...

geriinhen ni irheer gaigui bolnodo teged bas geriinhendee zunduu idhe yum zahichihgui yu huvtsas bol horoi morio gaigui yum chini shuudangaar avchij bolno ideh yum mah zah sain zahiad

mishka said...

Tokyo chin delhiid amttai, songolttoi hoolooroo nertei gazar sh dee. Saihan enjoydoh heregtei.
Cultural shock gedeg l boljiin l doo. Ganzaardaad baigaa yum bolov uu? Uulzaj uchirdag naiz nuhud baival. Eh ornoo sanajiin geseer baigaad endhiin avuushtai, meduushtei zuiliig anhaarahgui, ongozhon medlegtei baigaar ongoroochih taltai. Japan ch tuuh, soyol ulamjlal bayalag bolhoor end baigaa deeree teriig ni sudalj, medvel sonirholtoi. Uulzah yarih naiz nuhudgui bol uulzaldaj bolno shd.

Anonymous said...

homesick yamar ert ehelj baih yum. mash goe goe dursgalt gazar ihtei. harin ch mongoliig bodvol tes oor goe budaa. uner ni hanhalsan alim. gudamjind urgaj baidag mandarin. ungu ungiin usan uzem guzeelzgene. unen amttai banana /300/ orchim yeniinh ni amttai bdag. amand orood haildag cake. delhiid 1 rt ordog nairsag uilchilgee geed.

bi lac ochinguutaa uidahiin zavgui ih yum uzej suraltsaj. sanaj tseejlej bsan. iim hurdan gertee netees salahgui homesickdeh yum bol hogjloos ni mongolruu avch yavj chadahgui shuu.

yadaj ger ahuin heden davhar ikea busad delguur orj soeliig gaihaad butsahdaa avch yavah yumaa tolovlooch.

esul japan stile bish amerik stiletai delguur oroochee.

nuur am unegui buddag aris todorhioldog gazruud bn.

h&m. zara. banana. gap. tommy hifleger. deisel. adidas geed l mongolchuud durtai buh branduud bdag huvsasnii tom delguur oroochee

esul luxury brand gucci. armani. dior yu bdiin buh brand orj 2500$ sandal umsch uzej zugaatsaachee


dotorh zasalt uilchilgee shine ulirliin baraa geed l uneheer uidah zavgui tom hotod ireed gertee bugeed homesick bolj bval yanaa neeree.

hatuujiltai bj baij l hogloos ni surch eh orondoo avchirdiin

Anonymous said...

Ganzaardaad uidaad baival Parliamentiinh ni Nomiin san ochooroi. National Diet Library. Esvel Ueno orj museum uzeerei. Olon Europe, Amerikchuudiin ochihiin husel boldog hotod ircheed geree sanaadaina geed narmiij bolkuu shuu. Medlegee teleh yum end ih bii shuu

Buyanaa said...

тэгж байгаад гайгүй болдог юмаа, гэхдээ үр хүүхэдтэй хүн бол улам их санах байх даа.

admin said...

Iyay, mongoliin mini amidraliig yostoi yay getel helchihlee.

Naran said...

Odoo haritsangui zavtai bgaa deeree gaduur yavj hottoigoo tanilts, ooriigoo sain erhluul.

Hicheel ehleed, bas ger bul chin irvel chamd bolomj garahgui shuu.

Ger sanahiin huvid hed hongoos zugeer bolnoo. Zavtai bgaagiin shinj l dee.

Heden jiliin daraa Mongol ruugaa yaj yavnaa gej aidag boloh vee. Ene bichlegee sain hadgalaad ue ue unshij bgaarai.

Anonymous said...

ih zavtai baigaagiin shinj yumuu daa.

Keeper said...

нээрээ тэгдийн блээ шүү. хоол нь эхэндээ гоё бжаал сүүлдээ, идэх юм бишийм шиг санагдаал. мах л идмээр санагдаад бдым блээ.

зорьсон зорилгоо биелүүлтэл чанга байгаарай л гэж дэмжий даа.