Судлаач япон эмэгтэй

Манай сургуульд япон эмэгтэй оюутан их ховор. За бакалаврт зөндөө байж магад, дээшлээд Graduate school-д бол цөөрөөд л, бүр манайх шиг байгалийн ухаан мухааны сургуульд бол ганц нэг болоод л явчихна.
Япон оюутнууд дандаа залуучууд. Бүр нэг building тэр чигээрэээ дан эрэгтэй оюутантай гэдэг явган яриа байдаг юм. Аргагүй л дээ Solid matters physics гэдэг байшин юм чинь. Дашрамд хэлэхэд манай лабын судалгааны сэдэв бусад хэлтэс лабтай харьцуулахад их хэцүү сэдэв юм шиг байгаан. Яагаад тэгэж бодов гэхээр, сая мастерын хамгаалалтанд суусан чинь, бусад бүх лабын төгсөгчдийн илтгэлийн дараа асуулт асуух хүн зөндөө гарч байгаан. Тэр чинь яасан юм энэ чинь яагаад ийм байгаан энээ тэрээ гээд л. Хүссэн багш оюутан ер нь тэр танхимд байгаа хэн ч юу ч асууж болно л доо. Би хүртэл тэр судалгааг нь ойлгоод байгаа байхгүй юу. Энд тэндээс нь юм хум тодруулаад асуучмаар санагдаад. Тэгсэн манай лабын төгсөгч хятад охины пресентацийн дараа асуулт асуух ганц ч хүн байдагггүй. Түүний судалгааны ажлыг зөвхөн манай лабынхан л ойлгоод байгаан. Өөр хэн ч ойлгохгүй байгаа байхгүй юу. Ямар сайндаа манай лабын профессорууд өөрсдөө юм асууж байхав.
Тэгтэл манай лабд нэг япон хүүхэн постдок-р ирлээ. Миний өдөр тутам гудамж дэлгүүр хоршоонд хардаг япон хүүхнүүдээс тэс өөр. Ямар сайндаа өөрөө хаанаас ирсэн бэ гэсэн чинь би япон хүн л дээ гэж бөөн инээдэм болж байхав. Японд үсээ будаж хими хийлгэж янзлуулаагүй эмэгтэй хүн байдаггүй юм. Тэгтэл энэ хүүхэн огт тийм юм байхгүй, байгаагаараа байж байсан нь хүн болгонд япон биш гадаад оюутан шиг харагдахгүй юу. Гадаад оюутан охидуудын үс нь оригоороо байдаг юм /жишээ нь би байна/. За тэр үс яах вэ. Японд ер нь эмэгтэй судлаач, эмэгтэй эмч, эмэгтэй их сургуулийн багш профессор их ховор. Энэ хүүхэн тэр ховор бараануудын нэг. 2006 онд манай лабыг манай багшийн удирдлаган дор доктороор төгсөөд Kirin гээд эдний том хүнсний үйлдвэрлэгч компани байдаг юм /уг нь гол бүтээгдэхүүн нь пиво л доо/, тэднийд гэдэсний гүрвэлзэх хөдөлгөөнийг сайжруулагч бактерийг дэмжих хүнсний нэмэлт бүтээгдэхүүн гаргаж авах төсөл дээр ажиллаж байгаад дараа нь Тайваны их сургуульд assistant professor-оор очоод газар дээр нь PCR хийдэг тоног төхөөрөмж бүтээх ажил дээр ажилласан байгаа юм. Түүний хийсэн тоног төхөөрөмжийн үр дүн маш сайн байсан гэсэн. Ямар сайндаа тэнд 3 жил ажиллах хугацаандаа 4 paper хэвлүүлсэн байгаа юм. Нилээн нэр хүндтэй сэтгүүлд шүү гэж бүр манай профессор онцолж байна лээ. Манай багш тэгэж хэлэхээр чинь юу гэсэн үг вэ тээ. Тэгээд тийм нэр хүндтэй сэтгүүлүүд нь нэг хүний 4 пэйпэрийг 4-үүлэнг нь accept хийж байна гэхээр.
Саяхан бид нарт нэг судалгааны аргыг эзэмшүүлэх хичээл орсон юм. Манай багшаас ч бараг дээр тайлбарлаж байгаа юм чинь. Ямар ч акцентгүй англиар ярина.
Хувийн амьдралынх нь хувьд бас манай лабын төгсөгч доктор залуутай гэрлэсэн, өнөөх нь одоо Хоккайдогийн их сургуульд assistant professor гэсэн. Нөхөртэйгээ хамт байх гэж гадаад явах ажлаас татгалзаж япондоо ажил хайсан юм гэсэн. Япон нээрэн хүн ам ихтэй өрсөлдөөн ширүүн нь харагдаж байгаа юм шүү. Ийм мундаг судлаач гэхэд л ажил олдохгүй байна гээд байх юм. Залуу гэдэг нь сул тал нь болчихоод байна гэсэн. Гадагшаа явах ажил сонирхож байсан бол би лав олон улсын байгууллагад ороочээ гэж л хэлмээр санагдсаныг нуух юун. Их л бахархмаар санагдав. Даанч монгол хүн биш юм даа.
За тэгээд хүнтэй өөрийгөө харьцуулдаг зан минийх биш хүн төрөхлтнийх юм хойно өөрийгөө баахан бодлоо. Би ч гэсэн бакалавраа төгсөөд залгуулаад мастераа хийгээд PhD хийцэн бол яг л адилхан байх байж гээд л. Надаас 2 эгч юм билээ. Хүн сургууль соёлын мөр хөөгөөд явж байхад би юу хийж байж вэ гээд бодсон чинь энэ хажууд арзайгаад унтаж байгаа 2 хөөрхөн зулзаакнуудын аавтай учраад энэ хоёр нөхрийг үйлдвэрлээд явж байжээ гэж.