Wednesday, March 6, 2013

Нутаг буцах уу, газар үзэх үү?

Ингэлээ л дээ. Манай өнөө Лаос охин маргааш нутаг руугаа түр явчихаад ирнэ гэнээ. Яасан бэ ээж аав чинь зүгээр үү, одоохон төгсөхийн хооронд яах гэж байгаан гэсэн чинь "Ээж бүр өдөр бүр ир гээд утасдаад амраахгүй байна. Өнгөрсөн зуны амралтаар очоогүй, өвлийн амралтаар бас очоогүй. Одоо хамаатны хүүхдийн хурим болох гэж байгаа юм, түүгээр намайг заавал ир гээд байна. Цаашид тэвчихгүй гэнээ" гэж байна. Өнгөрсөн зун Японы хойд мужуудаар аялаад сая өвөл миний ятгалгаар Солонгос явчихаад ирсэн юм. Би бүр гайхлаа. "Хайран мөнгө байгаа даа. Тэр мөнгөөрөө Окинава эсвэл Хоккайдо ч юмуу эсвэл бүр Тайван яваачээ. Юун төгсөхийн хооронд нутаг руугаа явчихаад ирэх вэ" гэсэн чинь "Ээж харин ирсэнгүй гээд уурлаад байнаа, явахаас өөр арга алга. Уг нь өөр тийшээ аялмаар л байна" гэх юм. Ганц Лаос охин ч биш, Ветнам, Энэтхэг, Филиппин, Камбож зарим нэг хятад охидууд ээж аавдаа очно гэртээ харьчаад ирье гээд аль нэг амралтаар дандаа явчихдаг юм.  Яаж сайн мэдээд байна гэхээр чемоданаа чирч явж байгаад дандаа надтай тааралддаг байсан юм. Зарим нь яахав удаан хугацаанд энд байх, байгаа, байсан оюутнууд л байх. Гэхдээ ихэнх нь миний мэдэхээр надтай цуг ирсэн 2-хон жилийн мастерууд ш дээ.
Тэгтэл өнөөдөр Кристинатай /Greece/ тааралдлаа. Бас л 2 жилийн мастер. "Ойрд харагдсангүй хаачив аа чи?" гэтэл "Өө Хятадыг хөндлөн гулд дуусгачихаад ирлээ" гэнээ. Грек рүү гэр лүүгээ ер нь харьсан уу аль нэг амралтаар гэсэн чинь "Төгсөөд очоод насаараа амьдрахаас хойш тийшээ явж яах юм. Энд байгаа дээрээ ойр хавийн газраар аялж юм үзэж байсан нь дээр биз дээ" гэж байна. Ер нь европ цагаан арьст оюутнууд нутаг руугаа буцчихаад ирье гэж байхыг нь би ер сонсоогүй юм байнаа. Тэрний оронд тэд нар дандаа ийшээ ч явж тийм ч юм үзье л гээд байдаг юм. Ээж аав нь өдөр бүр байтугай ер нь утасддаг ч юмуу үгүй ч юмуу.
Азиуд ер нь их гэр бүлсэг, санамтгай, зууралдамтгай, өөрөөр хэлбэл хэт нялуун улс юмуу. Лаос охин энэ жил 26-тай, ээж нь яагаад 26тай хүүхнийг 2хон жил гадаадад сурчихаад ирэх хооронд санаад байна гээд төгсөхийн хооронд ирүүлэх гээд байгааг ойлгохгүй юмаа. Өөрөө тайлбарлахдаа үргэлж хамт байсан, хэзээ ч ингэж удаан салж үзээгүй юм гээд байгаа юм. Өдөр болгон skype messenger-ээр бараа туруугаа хараад ярьж байна, амьд мэнд байгааг нь харж байна болоо юм бишүү. Тэр дорхноо ийш тийшээ явж найзуудтайгаа газар орон үзэж байсан нь л дээр санагдах юм одоохон төгсөөд явахын хооронд. 

5 comments:

edna said...

хятадууд харин яваад бдаггүйн билээ. нэг бол ядуу, эсвэл монголчууд шиг нэгмөсөн гүрийж бгаад очдог бх.

Zoey said...

Gerseg, etseg ehteigee oir bh n asian, europe soyliin zoruu l bh da. Europechuud chin bid nar shig tm nyaluun uls bish yum shig bna le. Naad zah n emnelegt hagalgaand orloo gehed gantsara ireed l orj haragdah yum.

ZAYA said...

Huuye ee, ohinoo irehgui bol eejid ny hetsuu shuu dee, tsagaanuud tegdeg l yum baigaa biz.

hina said...

Hmm.... mglchud arai ch iim nyaluun naaldtsan bish bhoo,huuhde sain suraasai ih ym uzeesei l gj bodod hoyorhon jil teseh blguide,asia ch gsn arai l uur yum bidnuus kk

mongolbusgui said...

Gkk, bi bol zugaalnaa. Eej aawdaa udahgui ochih ym chini, bolomj bgaa dr n shn zugaalj gazar uznee.