Thursday, September 1, 2011

Багшид юу өгөх вэ?

9 сарын 1-нд хүүхдүүд багшдаа цэцгийн баглаа өгдөг. Энэ үеэр цэцгийн дэлгүүр нэг бут хийж байх шиг байгаа юмаа. Өнгөрсөн жил би охиноо 1-р ангид ороход нь бас өглөө 8 цагт оочёрлож байж нэг баглаа аваад охиндоо өгсөн юм. Охин ч баяр хөөртэй нь аргагүй багшдаа өгсөн. Бусад хүүхдүүд ч бас цэцэг бэлэглэсэн. Тэгээд хүүхдээ дагаад анги руу нь ортол "Юу вэ, OMG". Багшийн ширээн дээр цэцгийн баглааны овоо болчихсон, бараг л босоо зогсож байгаа хүнтэй чацуу шахам өндөртэй. Хөөрхий багш дэвтэр ном юм хумаа хаана тавихаа мэдэхгүй, бүр цаагуур нь цонхны тавцан ангийн буланд хүртэл ширээн дээр багтаагүй цэцгийн баглаанаас хэвтэж байх. Өө тэр цэцэгнүүдийн өнгө зүс гоё сайхан баглаа боодол /үнэ хөлс/ хэнд ч хамаа алга аа. Тэгэнгүүт багш ер нь энэ их цэцгийн баглааг яадаг юм бол доо гэж шууд бодогдов. 
Орой болж охиноо авлаа. Нөгөө цэцэгнүүд ер харагдахгүй байна. Багш нь гэрээсээ хүн дуудуулаад гэр лүүгээ өгөөд явуулчихсан юм болов уу ч ухааны юм бодов. Тэгээд охиноосоо "Танай багш нөгөө олон цэцгээ яасан бэ?" гээд асуусан чинь "Өө ёстой хүн болгоныг аваад яв гээд л өгөөд тараагаад байсан шд. Манай цэвэрлэгч эгч нар хамаад явсан бүү мэд" гэдэг байгаа. Ямар ч цэцэг өгсний үнэ цэнэ алга. Хайран 20,000 төгрөг. Тэрний оронд ядаж набор өгсөн бол багш нь гэртээ хариад хүүхдүүдтэйгээ хуваагаад идчих юм даа. 
Энэ жил хашир хүн гэж хаширсан хүнийг хэлдэг учраас би охиныхоо багшид зүгээр л набор авсан. Тэгээд очоод харсан чинь өнгөрсөн жилийн явдлаас эцэг эхчүүд мэддэг болсон уу ихэнх нь зүгээр тасалгааны цэцэг набор бэлэглэж байна лээ. Цэцгийн баглаа бэлэглэж байгаа хүүхэд их ховор байна лээ шүү. 

3 comments:

Keeper said...

Тэгдийшт нээрээ, нээх үнэтэй цэцэг боолгуулаал очно, шалан дээр. Хонхны баяраар л лав тийм юм болсымдаг.

Гуталчин said...

jil jiliin 9n sarin 1nd gantshan odor bagsh nartai soligdoj bh umsan. bi lav ineed aldaad l bayarlaad avaad bnaa, gertee hariad bugdiig n usand hiigeed tavichihna. gogo bhku yu, tm saihan beleg ogch bhad chn... esvel tm olnig jil bolgon avsaar bgaad sonin bish bolchihdogiin boluu...

Keeper said...

kk, тэгдэх бхөө