Saturday, August 10, 2013

Хүүхдийн хүмүүжил

Бид ер нь хүүхдийн хүмүүжлийг их орхидог юм шиг санагдаж байна. Өлсөх вий цангах вий, өвдчих вий зовчих вий гэж л бие физилогийн хувьд нь санаа зовоод байхаас хүмүүжлийг нь үнэтэй хувийн сургууль дамжаанд найдаад орхиод байх шиг байна.
Саяхан монголоос найз маань хүүхэдтэйгээ манайд айлчилж ирлээ л дээ. Хүү нь 8 настай. Аавын амь гэнэ, хүссэн бүгдийг нь л биелүүлдэг юм байх. 8 настай хүүхдэд Samsung Galaxy S4, new ipad, PSP гээд байхгүй юм алга. Үнэтэй хувийн сургуульд явдаг л гэнэ, эрт 5 настайд нь оруулсан гээд гайхуулаад байсан. Байсгээд л хүүхдээ дуудаад юм идчих уучих яамаар байна гээд л хошуу дэвсээд байх юм. Гэтэл ингэж өсгөсөн хүүхэд нь ааш муутай хүмүүжилгүй гэж жигтэйхэн юмаа. Манай хүүг шууд "Хөөе холдооч чи мангар юмуу" гээд аймаар загнадаг байна шд зүгээр урд нь зогсож байсан чинь. Ер нь их дээрэлхүү, ах зах гэж мэддэггүй, их дураараа, бүх хүн миний урд бөхөлзөх ёстой гэсэн хандлага л алхам тутамд нь мэдэгдээд байгаа юм. Миний муу хүү хамт тоглох гэж ядаад сүүлдээ бүр гайхчихсан над дээр ирээд "Ээж энэ ямар муухай ааштай хүүхэд вэ тээ?" гээд. Харьцаа марьцаа гэж ёстой хэрэг алгаа. Хэрвээ миний хүүхэд байсан бол ёстой хүмүүжүүлнэ гэдгийг үзүүлээд өгөх байлаа хэхэхэ.
Үгүй ээ энэ ч инээдэм биш л дээ. Ганц энэ хүү ч биш, монголд ер нь иймэрхүү гайгүй амьдралтай гэр бүлд иймэрхүү хүмүүжлээр өсч хүмүүжиж байгаа хүүхэд нэг биш нилээн хэдтэй тааралдаж байна. Ямар ч амьдрал мэдэхгүй, аав ээжийн хөрөнгөн дээр сагсалзсан бүхэл бүтэн нэг үе төрөн гарч ирж байх шиг байна. Аав ээж нь хүссэн бүхнийг нь авч өгөөд л үнэтэй гадаад дотоодын сургуульд явуулснаараа сайн сайхан өсгөөд байна л гэж бодоод байх шиг байгаа юм. Үгүй шд, "буруу эрхэлсэн хүүхэд бухын хүзүүнээс хатуу" гэдэг үг зүгээр ч нэг гараагүй байх. Хичнээн үнэтэй хичнээн сайн сайхан сургууль байгаад хүүхдэд хүмүүжил гэдэг зүйлийг олгож чадахгүй шдээ. Хүүхэд үүнийг гэр бүлээсээ л олж авна.
Сэтгэл маш их эмзэглэв энэ хүүг хараад. Найздаа хэдэн үг хэлээд л хаясан, гэхдээ аавд нь хэлж чадаагүй ээ, аав нь бол хүүдээ ёстой хир халдаахааргүй шинжтэй байна лээ.
Би бол 2 хүүхэдтэйгээ үзэж тардаг юм. Аав нь хүссэн бүрийг нь авч өгөх гээд байдаг юм, харин би бол албаар мөнгө байхгүй гээд тас гүрийчихнэ. Үүнийг чинь авдаг мөнгийг аав ээж хоёр чинь ингэж ингэж зовж ажиллаж байж олдог юм гээд тас гүрийнэ шүү дээ. Намайг эсвэл аав нь үгүй л гэсэн бол тэгээд л болоо, өөрийн хүссэнээр болгох гэж уйлж унжиж шалчигнах ч үгүй. Би боддог юмаа, 2 хүүхдээ ямар ч байсан сайн боловсрол олгохоос гадна хүн болгож хүмүүжүүлнэ гэж. 

8 comments:

mongolbusgui said...

h tiimee
Minii hamgiin aidag zuil ireeduid ene huuhduud bidnii huuhduudtei mur zeregtsen niigemd amidarna, Ayagui bol ber, hurgen bolj irne, tegeheer yaanaa l gej aihiin

Meegaa said...

Manai ard tumen chine uul ni huneer hun hiine gej asar ih turshlagatai, ulamjlaltai,soyoltoi ard tumen shuu dee.
Zarim humuus huuhediin humuujil ch A bhgui bnaa. Nodnin Chingis Khaanii hoshoon dotor baidag hureliin ueiin goy musuem dotor tailbarlagchaar tailbarluulaad asar taashaaltai yavj bailaa. Tegsen genethen l aimaar muuhai hengereg hagalchih shahaad hashgiraad l yavj laa, gaihaad l ergeed harsan chine 2-3 nasii eregtei huuhed gantsaaraa orilood baina. Gaihaad l ene end tend ovdood unaj tusaad uilj bgaan bolov uu gesen ugui zuv zugeer alhaad tegehdee aimaar changaar orilood l bhaar ni, bi hooy ene huuhded etseg eh bna uu?
Yagaad end ingeed gantsaaraa musuem dotor orilood yavdag yum gesen chine, eej ni bololtoi zaluuhan huuhen musuem gadaa zogsojj bsnaa huuhdee orj irj avsanaa nad ruu hyalaagaad haraad bsiin. Bi ch toogoogui ashgui duugai bolloo gej bodood museum uzchiheed garch irsen chine huugiin eej nohortoi " nad ruu zaasnaa ene ene gejuu" nadtai hereldeh geed zogsoj baival yahuu. Gehdee bi baahan egch nar emegtei duu nartai yavj bsan bolohoor zorigloogui l ter zaluu. Za roman bichichlee shuu.

Piglet said...

Харин тийм, эцэг эх нь хүүхдээ эвдээд байгаагаа ойлгохгүй л байгаа юм байх даа гэж бодох юм.

Aamregled said...

яг үнэн яг үнэн

Anonymous said...

Bi bas l ta nar shig boddog baisan. Getel buruu ch yumuu zuv ch yumuu. Huuhdiig 5 nas hurtel ni haan shig usgu gedgiin gesen. Bagasaa durtai yumaa duraaraa hereglej ussun huuhed tom bolood mash ih ambitstai hun bolj usdug (bid nariin yaridagaar bol shunaltai geh yumuudaa?), yumaar dutagdaj ussun huuhed ter chigeeree yamar ch ambitsgui, baigaa baidaldaa zohitsood dasaad l amidardag yum gesen. Bodood baihaar tiim ch yum shig yostoi medehguiee.

Anonymous said...

harin tiim shuu. huuhduudee ali boloh hussen bolgoniig ni avch ugch duraar ni bailgaj erhluuleh bish, erhluuleh yed ni erhluuleed bolohgui yed ni heleed oilgohgui bol hoshogotoi ni l yarisan ni deer sanagdaad bdagiin. bid bagadaa tegj usuud muudsan yum bgui l bna. jaahan ah zahtai bailgamaar sanagdaad bdagiin. huuhed aav eejiin toli gedeg unen ug sanagdaad bdagiin shuu. manaih ch bas ohin, huutei. neg negnee hundelj haritsaj bai geed l uzej tarj bnaa. zarimdaa ch hoshgotoi ni yarina shuu dee. gehdee ali boloh naiz shig ni yariltsaj oilgoltsdog bolohoor neeh asuudal bdaggui yum.bolohgui gesen yumiig ni sain tailbarlaj ugch oilguuldag daa. yaj mungu oldoggiig odoo oilgoson bolohoor neeh yum neheed bdaggui yum. yum avsan ch zaaval yariltsaj uursduur ni songuuldag daa. une ene teriig bol yariltsaj ugnu shuu dee hehe

Anonymous said...

aan bas heregleeg bol nas nasand ni tohiruulahgui bol demii sanagdsan

ZAYA said...

Эрхлүүлэхэд учир бий, Хүссэн болгонг нь биелүүлнэ гэдэг бол эцэг эх өөрийгөө шууд доош нь хийж байгаа хэрэг шүү дээ. Эцэг эх ямар шидтэн биш, аялдан дагагч зусардагч биш, яахаараа хүссэн бүхнийг илбийн юм шиг өгнө гэж...
Шударга байж, болно болохгүйгээ ойлгуулаад байвал хүүхэд гэхээргүй "ухаан" эрт суудаг юм шиг санагддаг.