Tuesday, October 16, 2012

Би чамд хайртай!

Хэдийгээр чи минь үүнийг олж уншихгүй ч гэлээ нэгэн биений минь тал болсон чамдаа би нь энэхүү бичлэгээ зориулж байна.
Анхны болзоондоо эргэлзэн байж очоод нүдэнд дулаахан бондгор бор залууг харахад их л дотно санагдсан юм. Тэр цагаас хойш тэр өдрөөс хойш бие биендээ ухаангүй дурлаж, дурлал маань хайр болон асч, нэг ч өдөр бие биенийхээ тухай бодолгүй нэг ч өдөр бие биенээ хайрлалгүй өнгөрөөсөн өдөр үгүй юм даа.
Амьдрал гэдэг тоглоом бишээ. Бидний хамтдаа өнгөрүүлсэн энэ он жилүүдэд хэцүү ч үе байсан, жаргалтай ч үе байсан. Хамгийн гол нь бид хамтдаа энэ бүхнийг туулан гараад өнөөдрийг хүртэл явж иржээ. Эцсийн эцэст амьдрал бол хайр итгэл хоёр дээр л тогтдог юм байна гэдгийг хоёулаа ойлгосон. Өнгөрүүлсэн он жилүүдээ харахад их юм шиг санагдавч өчигдөрхөн л анх уулзаж байсан юм шиг санагдах юм. Хамтдаа өнгөрүүлсэн энэ жилүүдэд бидний хайрын цэцгийг гандаалгүй услан тэтгэлцсээр байгаа чамдаа хичнээн их талархнам.
Хүний амьдралд муу сайн муухай сайхан олон зүйл л тохиолдоно. Тэр болгонд зөвхөн чамдаа итгэж зөвхөн чинийхээ талд л зогсох болно. Бусдын хар цагаан хэл ам, атаа хорсолтой нүдний хороос би чинь чамайгаа хамгаалахгүй бол өөр хэн хамгаалах билээ. Гэсэн ч эсрэгээрээ чи минь намайг бүхнээс хайрлаж хамгаалдгийг мэднээ хайр нь. Уул шиг түшигтэй уужуу сайхан жинхэнэ монгол эр хүн чинийхээ энгэрт хоёр хүүхэдтэйгээ эрх хурга шиг л тоглож байна. Санаад байна гээд нүднээс минь нулимс бөмбөрөнгүүт чинийхээ шаналж байгааг хараад уйлсандаа харамсах юм. Адилхан л хоёулаа санан бэтгэрч байж уйлж дуулж чамайгаа зовоодогтоо өөрийгөө буруутгаж сууна.
Чамдаа ямар их хайртай юм бэ. Зүрхнээс эцэс төгсгөл үгүй хөгжмийн аялгуу шиг, хязгаар үгүй өргөн тал шиг, зах нь харагдахгүй цэлэлзэх далай шиг л хайр гээч энэ зүйл урсан гарах юм. Өдий хүртэл зөвхөн чамдаа л итгэж чамайгаа л хайрласаар ирсэн, хайрлах ч болно. Бид гурав л чиний амьдралын утга учир гэж чиний минь хэлсэнтэй адил чи минь ч гэсэн миний амьдралын утга учир юм.
Өөр юунд ч санаа зоволгүй зорьсон зүйлдээ сэтгэлээ тавь даа хайр минь. Би нь чамайгаа ойлгоод хоёр хүүхдээ бөөцийлөөд хичээлээ сайн хийгээд санааг тань чилээлгүй хүлээж сууя.
Чамайгаа ямар их санаж байна гээч. Амьсгал давчдам чанга тэвэрдэг чинь, сахалтай эрүүгээрээ хатган үнсдэг чинь, шат өөд үүрээд гардаг чинь, миний хайраа гээд дууддаг чинь, өдөрт дор хаяж 3 удаа залгадаг чинь, өвөр дээрээ суулгаад эрхлүүлдэг чинь бүх юмыг чинь санан үгүйлнэ. 
Чамайг яг одоо залгах гэж байгааг чинь мэдэж байнаа хайр нь.
11 жилийн өмнөх энэ л өдөр танилцан учирч байснаа санаад энэхүү бичлэгийг тэрлэв.
2012 оны 10-р сарын 10.

13 comments:

Тэмээчин бүсгүй said...

Танай гэр бүлд аз, жаргал хорвоогийн нандин, чамин сайхан бүхнийг хүсэн ерөөе!

Tsomo said...

Aztai bondgor bor zaluu baih ni... :)

Anonymous said...

tanai ger buld hamgiin sain saihniig husey, bi ch bas ger bultei bolmoor bna hehehe,

Anonymous said...

tanai ger buld hamgiin sain saihniig husey, bi ch bas ger bultei bolmoor bna hehehe,

Anonymous said...

Saihan hair bdag yum shuu, oldvol aldaj bolohgui gedeg dee, biee bienee hairlaj hundlehees saihan amidral haana baih bilee. Ih saihan sanagdaj baina, bas baharhaj baina. Bi ch gesen hanidaa daraa jil taniltssaniihaa 20 jild zoriulj saihan ug helne dee. Az jargal husie!!!

Canadaas.

Gavaa Lkhava said...

Ger buld n sain az jargal, eruul enkh, saikhan bukhniig husye! (Nuhur bid 2-n taniltssanii oi udahgui boloh gej baigaan bna shdee, ene bichlegiig unshaad sanalaa. oirdoo setgel tawgu bsiin, iim shn bichleg unshaad setgel sergeed goyo bolchihloo, bayarlalaa. Amidral khairaar duuren shuu)

Dreamer said...

goe bnaa :))) Az jargal husey.

Гуталчин said...

Saihan um be omnoos chn bur dogdlon dogdlon unshlaa. Wish u all the best :)

MRowan said...

Хөөрхөн юм аа. Та хоёр хоёулаа их азтай, ерөөлтэй улс байна. Гэр бүлд нь аз жаргал хүсье.

chuups said...

yamar goe bichleg be, haniiig ni olood unshuulahiimsan :)

Naraa said...

Iim goyo zahiag nohor chin olj unshihgui geheer hairan umaa. Blogoos chin unshihgui um bol email-dchiheech. Genetiin saihan beleg boloh bh daa.

Odloi said...

Биш

Meegaa said...

Neeree deed Naraagiin heldegeer @ bichicheech.