Wednesday, August 17, 2011

Хүүхэлдэйн киноны ёс суртахуун

Би хүүдээ Наруто үзүүлдэггүй, охиндоо хуучны Уолт Диснейн элдэв гүнжийн хүүхэлдэйн кино үзүүлэх тийм ч дуртай биш. Яагаад гэж үү. 
Нэг удаа суваг сольтол Наруто хүүхэлдэйн кино ТМ дээр гарч байна. Тэгсэн өнөө Нарутог чинь доош нь харуулж хэвтүүлчээд хэдэн нөхдүүд тойроод шилбэний булчин руу нь хадаас ч юмуу нэг юм зоогоод тамлаад байх юм, цус мус нь урсаад. Миний нүд хальтраад бушуухан сувгаа сольсон. Азаар хүү маань нөгөө өрөөнд байсан юм. Юу вэ? Энэ чинь эрэгтэй хүүхдүүдийн хуйлраад үзээд байдаг хүүхэлдэйн кино биз дээ? Тэрнээс хойш би хүүдээ Наруто үзэхийг тас хориглосон. Ер нь японы ийм төрлийн хүүхэлдэй үзэхийг нь хорьсон. 5 настай хүүхэд ийм юм үзээд юу гэж ойлгох уу, бодохоос ч аймшигтай байгаа биз дээ.
Охиндоо яагаад гүнж нарын хүүхэлдэй үзүүлэх дургүй вэ гэвэл эдгээр хүүхэлдэйнүүд нь асар дээр үеийн дундад зууны үлгэр дээр суурилан хийгдсэн байдаг. Тэр үед эмэгтэй хүний нийгэмд эзлэх байр суурь маш доогуур, сурч мэдэх боловсрол эзэмших боломж бага, зөвхөн сайн хүнтэй суух л амьдралынх нь хамгийн гол зорилго байсан. Та нар бодоод үз л дээ. Үнсгэлжин, Beauty and the Beast, Хун гүнж, Лусын дагина Ариель, тэгээд элдэв Барби гүнжийн хүүхэлдэйнүүд бүгд нэг ханхүүтэй яаж суух вэ гэж толгойгоо гашилгасан улс, тэгээд тэрэнтэйгээ суугаад л төгсдөг, тэрэнтэйгээ суухын тулд юу ч хийхээс буцахгүй байгаа тухай. Бас ядаж байхад бүгд дуусахдаа үнсэлцэнэ гээч. Ийм хүүхэлдэйн кино байнга үзээд толгойгоо угаалгасан эмэгтэй хүүхэд юу гэж бодох уу? Би яаж ийм ханхүү шиг залуутай суух вэ үерхэх вэ үнсэлцэх вэ гэж л боддог болно биз дээ. Юун тэр сурч боловсрох, сайн сайхан ажил төрөл хийх, гадагшаа дотогшоо явж юм үзэж нүд тайлах. 
Тийм учраас би ийм төрлийн хүүхэлдэйн кино үзэхийг хүүхдүүддээ зөвшөөрдөггүй.

7 comments:

Миний блог said...

Ёстой хэлмээр юм биччихсэн байна.

Anonymous said...

Miyazaki Hayao -iin huuheldeinuud dajgui sht. Bas Doraemon geed huuheldein kino bii.

Anonymous said...

Bi bas tegj boddogiin, neg tiim boogdmol sanagdaad bdgiin.

Anonymous said...

harin tiii sht.....bi huudee solongosiin pororo gd huuheldein kinog bainga uzuuldin ih hoorhon yum zaanaa bas duu bujig ntr ni huurhun ugaasaa huuhd bur durtai bolchihdog yum bnlee yag l huuhded durtai yumaar ni damjuulj hundleh hairlah hcheel zaaj ogdiin...gehdee tanai huu 5 nastai bolhoor tiimerhuu huuheldein kino arai joohon huuhdiinh sanagdah yum boluu :) gehde neg uzuuled uzeerei angli solongos spain gd yanz buriin hel deer bdiin youtube deer..taalagduul tataj avaad uzuulj bhgui yu :)

Anonymous said...

huuheldein kinonii 70 huvi ni huchirhiileliig haruulsan bdag gedeg

Enkhtaivan BuBu said...

сонин л тайлбардаж.

uB.ToPsTaR said...

Яг үнэн бол биш, худлаа бас биш