Tuesday, May 15, 2012

Захиа аваад аа...

Хоёулаа уулзая, үгүй ээ болзоё ч гэх юмуу dating хийе гэдэг захиа аваад. Хэн гэж үү мэдээж би бишээ миний 8 настай охин япон бандиас захиа аваад аа. Хахаха. Өчигдөр хичээлээ тараад ангийнх нь нэг банди хүргэж ирсэн юм. Наадах чинь яагаад чамайг дагаад яваад байгаан гэсэн мэдэхгүй гээд өнөөхөө орхичоод шууд гэртээ орчихсон, би өнөө хүүг нь харсаар байж хаалгаа хаачихалтай биш "Нэр чинь хэн бэ, гэр чинь ойрхон уу, би ...гийн ээж байна, танилцахдаа таатай байна" гээд л явууллаа. Охин ч яахав дүүтэйгээ цуг гадаа тоглоно  гээд гараад явчихсан, би гэр орноо цэвэрлээд ухнатаж байтал хаалганы шуудангийн хайрцагт шар хийтэл нэг юм хийчихээд яваад өглөө. Газ ток усны билл л ирж байгаа юм байх гээд тоосонгүй, дараа нь харин онгойлгоод үзтэл цэнхэр уутан дотор нэг дэвтэр, нэг харандаа /Японы сургууль нээрэн балын харандаагаар бичдэг юм/, нэг хөөрхөн хэлбэртэй баллуур, нэг тоглоомон шүрэн хүзүүний зүүлт, нэг жижигхэн дугтуйтай захиатай гарч ирлээ. Мэдээж охинд ирсэн нь ойлгомжтой, өрөөнд нь оруулаад тавьчихлаа. Орой манай 2 ч орж ирлээ. Чамд захиа ирсэн гэсэн чинь тоож байгаа ч юм алга, нэг онгойлгож харснаа өө нөгөө өдөр ирдэг хүүхэд өгсөн байна гэнээ. Захиагаа уншаач гэсэн чинь за дараа болъё гэж байна. Тэгээд би ч хоол хийнэ гэж гүйгээд мартчихаж. 
Орой юм уншаад сууж байсан чинь охин хүрч ирснээ "Ээж, дэйто гэж юу гэсэн үг юм?" гэж байна. Хаана байна тийм үг гэсэн чинь захиагаа авчирч үзүүллээ. Балын харандаагаар маш нямбай бичиж зүрхээр зурж чимэглэсэн захианых нь сүүлийн өгүүлбэр дотор дэйто /dating гэдэг англи үгний японжсон хэлбэр, болзох гэсэн утгатай/ гэдэг үг тууж явна шүү. Наад захиа чинь ер нь юу гэж байна гэсэн чинь "Өө яахав дээ, хоёулаа маргааш уулзая гэсэн байсан, бас ямар нэг юм таалагддаг гээд байна лээ, юу ч юм бүү мэд, бас юунд дуртай вэ гээд асуугаад байна лээ, тэгээд энэ дэйто гэдэг юмыг хийе гэсэн байна" гэж авдаг юм. Хахаха. 
Би заримыг нь сайн ойлгохгүй байна, маргааш Савад үзүүлээд асуучихая гэнээ. Өө миний охин өөр хүүхдэд үзүүлж ёстой болохгүй шүү. Ээж нь дараа орчуулаад өгье, өөр хүнд л битгий үзүүлээрэй гэж захилаа шд. Аягүй бол охидууд бөөн яриа гаргаад өнөө хүүг нь олны өмнө эвгүй байдалд оруулчихвал яана. Манай хүний энэ захианы тухай сонсчихоод түнтэгнэж уурлаж байгааг ээ. Хэхэхэ. 

7 comments:

ZAYA said...

ккк, хөөрхөн юм бэ???

mongolbusgui said...

Huurhun ym bee, yaasan bolowson soyoltoi huu we, hehe. yuund uraldagiin, huuhduud bagaasaa uerhej nuhurluj surahad gemgui gej bi huwidaa boddii shdee. tom bolood ergd dursahad ch gsn gegeeleg saikhan dursamj uldene. 8 nastanguudiin dund naadah chini baih l asuudal. Manai 9 sartai ohiniig hajuugiin 1 nastai angiin oi 6 sartai, halit mulit held orj bgaa huu HUURHUN gd mulhuu ohiniig mini dagaad guigeed bna tsaana chini, xaxa. Sonschood elegee hushtul ineesii sh dee

Anonymous said...

Yamar huurhun yum ve?..........Huuhed nas hamgiin goyo ni :)

NB Canada

zz said...

xoorxon yumaa..

smile said...

xoorxon yum be yasan. xuuxdiin xogjil ch ulam l xurdsaad baix boltoi shuu.

byambaa said...

manai tom sukina otoko no ko geed yariad bna, tsaana chin bas, durtai bandi gej bgaan kkk.huuhed tomroh ch...

Сүрэн said...

Huurhun yumaa, suuld sanahad ch gogo dursgal :)