Sunday, March 13, 2011

Их тайван хүмүүс юмаа

Японд байгаа хүмүүс таньдаг найз нөхөдтэйгээ холбоо барилаа. Бүгд зүгээр байна, ашгүй дээ. Наашаа ирээчээ гэсэн чинь яах юм бэ гээд байх юм. Япончууд ийм байгалийн гамшигт маш сайн бэлтгэгдсэн хүмүүс байдаг юмуу их тайван байцгаах юм, түүнийг нь дагаад тэнд байгаа манайхан ч бас тайван болчихдог бололтой. Энд байгаа бид хэд л сандралдаад өчнөөн юм болж байхад тэнд байгаа хүмүүсээс ганц нь ч наашаа ирэх талаар огт санаа бодолгүй байх юм. 
Үнэхээр сэтгэл санааны хувьд ч эд материалын хувьд ч газар хөдлөлтөнд асар бэлтгэлтэй байдаг нь энэ өнгөрсөн өдрүүдээс харагдаж байна. Япончууд үнэхээр гайхалтай ард түмэн юм. Хэрвээ өөр ямар нэг улсад энэ хэрийн хүчтэй баллын газар хөдлөлт болсон бол энэ зэргийн хохиролтой үлдэж чадах уу үгүй юу. Хамгийн гол хохирол нь цунамигаас л үүдэлтэй болохоос биш хотын барилгууд нь хэсэг ганхаад л зүгээр болчих юм. Японы хотуудын өндөр барилгын архитекторын япон инженерүүдийн ур ухааныг дэлхийн бүх мэдээллийн сувгаар шагшин бахдан гаргаж байлаа. Дүрэм журмыг ягштал мөрддөг энэ улсад улсын байцаагчийг хэдэн орой баардуулаад хулхи материалаар барьсан байшингаа улсын комисст хүлээлгэн өгсөн гэж гарын үсэг зуруулах гэдэг ойлголт байдаггүй болохоор сайхан юм даа л гэж бодож байлаа.   

2 comments:

Yuri said...

Uneheer mundag ard tumen shuu. Japaniig 2 dah er ornoo l gej bodoj yavdag. Japan orniig burhan iveeg, udahgui buh zuil hevendee oroosoi.
I hope Japan will get recovered soon from the earthquake and tsunami... keep praying for Japan...

siilen said...

unen unen manaid teguul gazar hudulj ehleegui bhad barilguud pal hgeed unana daa