Tuesday, February 15, 2011

Мэдээд авахад илүүдэхгүй шүү-2

Ерөнхийдөө эмнэлэгт байх хугацаа маань яг цагаан сарын баяр таарсан учраас Шинийн 4 буюу Даваа гариг хүртэл эмчилж буй эмч маань байхгүй, жижүүрийн эмч сувилагч нартай л байсан. Өвдөөд очсоны маргааш өглөө нь харин хүүгийн маань хөл өвдөх нь зүгээр болоод хавдар нь буучихсан байж намайг мэл гайхуулав. Шинийн нэгэнд яаж зүгээр байхав өвчтэй хүүхэдтэй мөртлөө жижүүр эмчээсээ гуйж байгаад чөлөөгөөр гарч хэдэн айлаар хэсээд орой нь гэртээ иртэл хүү маань дахиад хөл нь хавдаад явж чадахаа байгаад тууралт нь бүүр нэмэгдчихсэн байлаа. Баяраас болж хүүгээ хүндрүүлчихлээ гэж гэр бүлээрээ халаглаад эмнэлэгтээ буцаж ирж хэвтэв. 
Харин эмнэлгийн хоол нь их амттай яг хүүгийн маань дэглэмд таарахаар зөөлөн хоолнууд байсан бөгөөд хүү маань их дуртай идэж байсан шүү. Мэдээж зөвхөн хүүд маань л хоол өгнө, гэхдээ баяр болоод ихэнх хүмүүс чөлөөгөөр гарчихсан байсан болохоор хоол нь илүү гараад сахиуруудыг ч гэсэн хоол идээд өгөөч гээд байсан. Хөдөө хотоос ирсэн гэлтгүй бүгд л үнэгүй хоолонд нугасгүй юм чинь дор нь л дуусгаад хаяж байгаа юм чинь. Би хүртэл өглөө эртлэн босч каашаа авдаг болсон. Хүүгийн маань хоолны дэглэм нь их хатуу. Саахар чихэртэй юм, шоколад, гаазтай ундаа, өөх тостой хоол, шарсан хуурсан хайрсан хоол, лаазалсан консервлосон зүйлс, өндөг хиам, хүнсний ногоо, жимс жимсгэнэ ерөөсөө ч идэж ууж болохгүй. Зөвхөн гурил будаа өөхгүй хар мах, өндөггүй амтлагч сахар багатай жигнэж болгосон боов талх, хааяа маслотой талх, сүү цагаан идээ л идэж болно. Гэхдээ цагаан идээ гээд жимс жимстэй пакетласан иогурт сүү эд нар болохгүй. Өөрөөр хэлбэл удаан хадгалагч, будагч, амтлагч бодиснууд орсон хүнсний бүтээгдэхүүн болохгүй. Тийм бодиснууд цусанд нь ороод харшлаад байгаа юм гэж эмч нь тайлбарласан. 
Бас хүүгээ хөл дээр нь гишгүүлж хөлөнд нь ачаалал өгч огт болохгүй, тэгвэл тууралт нь ихэснэ. Эмнэлэг дотуур хүүгээ үүрээд л алхана. Бие засах болвол 00-ийн үүдэнд хүүгээ үүрч ирээд миний хүү хаашаа ч явж болохгүй шүү ээж нь бие засчаад гараад ирье гэж захиж захиж орчоод гараад ирэхэд аль хэзээний гүйгээд алга болчихсон дуудангуут булан тойроод л дэг дэг гүйгээд ирнэ. Тэгээд л надад загнуулаад үүрүүлээд өрөө рүүгээ явна. Тэр нэг харанхуй хавчиг өрөөнд нь ядаж байхад цахилгааны залгуур ч байхгүй болохоор утсаа цэнэглэх гэж өөр өрөөнд залгаж тавина. Тийм уйтгартай газар 4 настай ид хөдөлгөөнтэй эрэгтэй хүүхдийг өдөржин оронд нь хэвтүүлнэ гэдэг байж боломгүй даалгавар юм билээ. Азаар тэнд нэг тоглоомын өрөө гадаадын тусламжийн байгууллага байгуулж тохижуулж өгсөн нь их хөөрхөн газар байна лээ. Хүүхдүүд бүгд тэнд цуглана, даанч тоглоом нь цөөхөн болохоор бүгдэнгээр нь ганц цагийн дотор тоглож дуусаад дахиад л уйдаад эхэлнэ. Том хүүхдүүд 14-с дээш насныхан бол тэгэж орондоо хэвтэж хэвтрийн дэглэм сахина гэж ойлголт байхгүй, манай нөхөр манай тасгийн зарим өсвөр насныхныг гадаа дэлгүүрийн ойр хавиар л харж байна гэж байгаа юм чинь.  Манай хүүгээс жаахнуудыг бол аав ээж нь тэвэрчихсэн үүрчихсэн л коридороор хөлхөлдөнө. 
Эмнэлгийн үйлчилгээ бол цагийн тариаг яс хийнэ хаа очиж. Харин эм бол ёстой худлаа. Би нэхэл дагуул болж байж арай гэж уух ёстой 3 эмийнх нь нэрийг мэдэж авсан. Тэгээд өгөхгүй болохоор нь нөхөртөө хэлж байж аптекаас авчруулж уудаг болсон. Анх битүүний өдөр эмч нь үзээд танай хүүд 1 тариа 3 эмний эмчилгээтэй гэчихээд л явчихсан боловч юунд нь ямар эм тариаг яах гэж хэрэглэж байгааг ер хэлж өгөөгүй. Бас ээлжийн сувилагч болгон нэг эмнийх нь нэрийг зөрүүлж хэлээд байсан. Хамгийн анхны сувилагч 1. Хлорфенамин 2. Аскорутин 3. Курантил гэж хэлсэн. Би эхний 2-ыг нь сайн мэднэ, харин 3 дахь зүрх судасны эмийг нь огт сонсоогүй эм байсан тул цээжлээгүй юм. Дараагийн ээлжний сувилагч 1. Хлорфенамин 2. Аскорутин 3. Преднизолон гэж хэлсэн, би преднизолон авч уулгаж байтал 3 дахь ээлжний сувилагч 1. Хлорфенамин 2. Аскорутин 3. Фурадонин гэж хэлсэн, би бас л гэрээсээ авчирч уулгаж байгаад эмч рүү нь утасдаж асуугаад эргээд курантилийг нь өгч эхэлсэн. Тариа нь бол Пенциллин 8 цагаар. 
Ийм л маягаар шинийн 4 буюу Даваа гаригт эмчийгээ ирэх хүртэл байлаа. Амралтын өдрөөр хүүдээ идүүлж болох болохгүй юмны тухай би зөвхөн сувилагч болон хамт хэвтэж байгаа онош нэгт хүмүүсээс л сонсож байсан болохоор зарим зүйлийг асуух гээд эмч рүүгээ залгаад хүн амраасангүй гэж загнуулсан.
    

6 comments:

Anonymous said...

sudasnii haniin urevsel. haldvar-harshliin garaltai gej uzdeg yum bilee. Yag onooson tiim yumnaas bolson gesen todorhoi shaltgaan ugui. Haldvar gedegt ni shudnii tsoorolt, gedesnii tsagaan horhoi zereg haldvar, nyan teegchuud ovdoh ni elbeg baidag. Tiim uchir herev iimerhuu haldvariin arhag golomttoi bol emchluuleh shaardlagatai. Tegeed deerees ni yanz buriin zuild harshilamtgai suuritai, diates-tei huuhduud ovdoh ni elbeg. Tiim bolohoor hoolnii deglemd yanz buriin harshil toruulegch-iig bagasgah zorilgoor yanz buriin zuiliig horiglood bga yum. Uldets, hundrel haritsangui baga bolovch, arhag boornii sudasnii urevsel gedeg hundrel uldets ogj magad tul hodolgoonii deglem bariuldag yum. Ene maani negent sudasnii haniin urevsel uchraas boor geh met dotor erhtnii sudas ch bas urevssen baih bolomjtoi. Deerees ni boor ooroo amarhan dorgidog erhten uchraas hodolgoonii deglem chuhal emchilgeenii heseg boloh baih. Emiin emchilgeenii huvid ner ni zorood baigaa emuud bugd ene ovchnii ued hereglegddeg bolovch, todorhoi emchilgeenii tactik baridag. Yalanguya prednisalon heregleh ued.

Anonymous said...

prednisolon-iig l dosiig ni deglem barij uudag um bilee. 7 honog 20 mg bsan bol daraagiin 7 honogt ni 15 mg geh metchlen buursaar yavaad zoolon gargadag gesen. Ih huchtei em, ih uuval hodood muuddag geh um bilee. Dagavar oor neg em tsugt ni ogch busad erhtnee muutgahaas sergiildeg um bilee shuu. Manai nohort bur tegj ogch bsan, tegeheer huuhded bol ih l bolgoomjtoi baihgui bol ih sonin gazruudaar targaluuldag, us end tend urguuldag geed olon muu ur dagavartai um bsan.

Nogoohon said...

Баярлалаа. Би энэ өвчний мэдээлэл бүрийг цуглуулж байгаа юм. Их үнэтэй мэдээлэл байна. Би эмчийг нь преднизолоныг тийм хайхрамжгүй өгсөн гэж бодохгүй байна. Курантил өгснийг нь сувилагч нь андуурсан байх гэж бодоод байгаан.

Unknown said...

Yag ene minii ohind tohioldoldloo odoo 5 nastai. Uchraa olohgui baahan Google s haij ene ih heregtei medeelel bna . Bayrlalaa

Unknown said...

Yag ene minii ohind tohioldoldloo odoo 5 nastai. Uchraa olohgui baahan Google s haij ene ih heregtei medeelel bna . Bayrlalaa

Unknown said...

Yag ene minii ohind tohioldoldloo odoo 5 nastai. Uchraa olohgui baahan Google s haij ene ih heregtei medeelel bna . Bayrlalaa